Nieuws

ORANJESTAD - Departamento di Labor y Investigacion kier a participa na tur cliente cu entrante diamars 30 di juni 2020, nos ta introduci un e-mail adres nobo pa tur keho riba servicio cu nos ta brinda e pueblo di Aruba, pero tambe pa traha un cita pa asuntonan laboral den forma mas rapido.

E e-mail adres aki ta: This email address is being protected from spambots. You need JavaScript enabled to view it. .

Importante ta pa señala cu e e-mail aki ta solamente pa e topico aki riba menciona.

Si e cliente kier contesta por escrito riba preguntanan huridico of general, e e-mail existente, cu ta This email address is being protected from spambots. You need JavaScript enabled to view it. , ta keda aplicabel.

Nos ta spera di por a informa tur cliente debidamente.

Art. 2 Vakantieverordening

Un trahado ta 'bouw op' dianan di vakantie pa cada aña di servicio cerca su dunado di trabou.

E calculacion di dianan di vakantie ta 3 x e cantidad di dianan di trabou pa siman.

Den caso cu un trahado ta traha 6 dia pa siman e tin derecho riba minimo 15 dia di vakantie.

Art. 9 Vakantieverordening

E dianan di vakantie acumula ta caduca despues di 2 anja. 

Mirando cu nos ta den un situacion exceptional di Covid-19 no ta keda nos nada otro pa interpreta e ley y formula un pensamento pa cu con nos lo contesta e preguntanan riba vakantie.

Despues di a overleg cu Director nos uitgangspunt ta como lo siguiente:

Dianan di vakantie (acumula prome cu Covid-19) mester wordo paga na 100%.

Den caso cu dunado di trabou y trahado a jega na un acuerdo pa baha e oranan di trabou y salario pa motibo di e situacion di Covid-19 e calculacion di e dianan di vakantie ta keda mescos.

E pago di e dianan di vakantie (vakantieloon) ta depende di e acuerdo cu partidonan a haci riba pago di salario.

Pues pa cu e pago di dia di vakantie (vakantieloon) mester wak den ki luna e trahado a ‘bouw op’ e dia di vakantie cu e ta tumando.

Esaki kiermen cu si e trahado ta tuma un dia di vakantie cu ela ‘bouw op’ den un luna cu ela wordo paga menos, su vakantieloon tambe lo ta menos.

Klik op Overzicht uitzendvergunning.

Departamento di Labor y Investigacion (DAO) ta informa cu entrante dialuna 15 di juni 2020 nos ta habri pa atende publico solamente a base di cita, cumpliendo cu e protocol estableci door di Dept. di Salubridad Publico (DVG). Esaki conforme e maneho di e ‘normal nobo’ di distancia fisico y higiena. Pa traha cita por yama 523-7720 entre 8:00AM- 11:30AM y 1:00PM- 4:00PM. Alabes nos servicio lo sigui mas tanto via telefon y via email.

1.Pakico ta necesario pa atende publico a base di cita?

Conforme e protocol di DVG esaki ta pa segura nos clientenan y empleadonan un miho proteccion di salud y higiena y tambe pa por controla cantidad di persona cu ta drenta nos edificio y asina evita aglomeracion y cumpli cu e intruccion di distancia fisico entre persona (1.5 meter).

2. Con por traha cita?

Cita ta wordo traha via yamada di telefon na 523-7720 y e cliente lo wordo comunica cu e departemento di DAO concerni. Ta depende di e tipo di servicio desea y e contenido di e caso, cu un cita lo wordo traha.

Departamento di Conflicto y Retiro

Pa retiro, asuntonan complica na pia di trabou, of pa casonan di intermediacion entre dunado di trabou y trahado, e cliente lo wordo instrui pa e funcionario di e departamento cua pasonan mester sigui. Na momento di traha cita, nos por pidi pa nomber y fam, number di ID (fecha di nacemento), number di contacto, nomber di compania y emailadres.

• E cliente lo ricibi via email confirmacion di e cita y documento di registracion pa yena prome cu dia di e cita. Lo mester manda tur documentonan necesario pa completa e registracion. Tene na cuenta cu e cliente lo haya cita den un minimo di dos (2) dia.
• Si e cliente no tin manera pa comunica via email, e funcionario lo duna instruccion via telefon na e cliente kico ta e pasonan pa sigui.

3. Con ta haci cu casonan cu ta encera un grupo di trahado?

Pa por cumpli cu e maneho di distancia fisico y higiena conforme protocol di DVG, nos ta pidi pa e grupo apunta un (1) of maximo dos (2) persona pa atende e cita.

4. Kico ta e procedura ora cliente presenta pa e cita?

E cliente ta wordo pidi pa mustra un ID na porta. Solamente un (1) persona ta drenta pa atende e cita. Si tin otro palabracion cu un funcionario di nos departamento, excepcion por wordo haci. No ta permiti pa cliente drenta cu handschoen bisti y tampoco saluda cu man. E cliente ta ser pidi pa sigui nos señalnan di indicaccion paden di nos oficina y pa haci uzo di nos hand sanitizers disponibel na entrada.

Conforme protocol di DVG clientenan cu tin sintoma di griep, keintura, tosamento, niester of problema cu halamento di rosea no ta wordo permiti entrada na nos oficina. Y den caso cu wordo constata cu un cliente presente tin e sintomanan menciona, nos lo pidi su persona encarecidamente pa bandona nos oficina.

Nos ta pidi pa publico tuma bon  nota di nos instruccionnan na momento cu ta presenta serca nos pa un cita.

Pa mas informacion por sigui nos riba www.daoaruba.com of riba nos pagina di Facebook: Directie Arbeid en Onderzoek. Tambe pa cualkier pregunta por yama nos na 523- 7720 of manda nos un email na nos email central: This email address is being protected from spambots. You need JavaScript enabled to view it. .