Houden van toezicht op de naleving van de Arubaanse arbeidswetgeving

 

Het bevorderen van een evenwichtige arbeidsmarkt voor het Land Aruba

Adviseren van de overheid m.b.t. vraagstukken op het gebied van de arbeidsmarkt

 

123

Personeelsregister 2019-2020

    

Personeelsregister COVID2020

 Het bevorderen van een evenwichtige, kwalitatieve en participerende Arubaanse arbeidsmarkt.
 Een professionele partner in de bevordering van een duurzame arbeidsparticipatie van de beroepsbevolking in nauwe samenwerking met publieke en private partijen in de gehele arbeidsmarktketen ter realisatie van een toekomstbestendig Aruba.

Nieuws

Derecho di trahado durante cuarentena

1. Un trahado cu mester bai den cuarentena ta sigui ricibi su salario?

Si, e instruccion di Gobierno di Aruba na e persona pa bai den caurentena ta encera un obligacion legal riba e trahado pa cumpli cu esaki. A base di art. 1614c inciso 4 Codigo Civil di Aruba e trahado ta retene su derecho riba pago di salario durante e periodo aki.

Na momento cu e persona den cuarentena cuminsa sinti malo pues e ta haya keintura, dolor di garganta etc. e tin cu meld AO na SVb y sigi procedura. E dianan aki lo wordo cubri door di SVb como dianan di AO. (Tene si na cuenta cu e servicio adapta di SVb na e momentonan aki.)

2. Por kita dianan di vakantie for di e trahado pa e dianan cu e ta den cuarentena?

Mirando cu e trahado mester cumpli cu e instruccion duna na dje y no ta liber pa dicidi riba e dianan aki mas cu claro NO por kita e dianan aki di su vakantie. 

 

Derecho di trahador durante crisis COVID-19

Como resultado di e crisis actual di COVID-19 cu a afecta nos economia drasticamente companianan ta pasando den un periodo hopi dificil y esaki mas cu claro tin su effectonan tambe pa e trahado. Departamento di Labor & Investigacion (DAO) ta wordo aserca cu diferente preguntanan di parti trahado riba kico ta nan derechonan. No mester lubida cu berdad nos ta den un crisis sin precedente pero e Leynan Laboral ta na vigor y mester tene cuenta cu esakinan. E preguntanan cu mas ta bin dilanti na e momentonan aki ta como lo siguiente: 

1. Mi dunado di trabou por mandami tuma vakantie obligatorio? 

Den caso cu e trahado tin un cantidad di dianan di vakantie acumula e dunado di trabou por manda e trahado tuma parti di esakinan como vakantie obligatorio. Ta consehabel pa keda cu un saldo di por lo menos 5 dia di vakantie. Mester tene cuenta si cu pa e dianan di vakantie e trahado mester ricibi su salario completo (si salario ta variabel salario basico plus averahe di comision) manera acorda den contrato laboral. Mescos ta conta si enbes di vakantie ta tuma timeback.  

2. Mi dunado di trabou por baha mi oranan di trabou y mi salario?

Condicionnan di trabou manera cantidad di oranan di trabou como tambe salario no mag di wordo cambia sin aprobacion di e trahado. Pues den e momentonan dificil aki prome cu e compania por haci cambio na e condicionnan di trabou e mester presenta su plan na e trahadonan cu e medidanan necesario pa mantene tur hende na trabou. Esaki lo por ensera cu por jega na un acuerdo cu e trahadonan pa baha e oranan di trabou y e salario. E trahado di su banda a base di solidaridad pa su coleganan y pa tur por mantene nan trabou lo mester bai di acuerdo cu un propuesta rasonabel di parti dunado di trabou. 

3. Mi dunado di trabou por mandami cas sin pago?

Den caso cu e dunado di trabou ya e tuma medidanan necesario manera baha oranan di trabou y salario of no tin ningun actividad mas di compania y e ta bin den problema financiero grave por jega e momento cu e ta haye obliga di manda trahadonan cas a base di no work no pay. Esaki no mester ta e prome alternativa di e compania pero e ultimo recurso den caso cu no por haci nada otro!  Den caso cu e trahado no ta ricibi salario of a bai atras den salario y ta ricibi menos cu Afl. 950,- pa luna e trahado por aplica pa ayudo financiero di Gobierno pa medio di e Fondo di Asistencia Social di Emergencia (FASE). Por tuma contacto cu fasehelpdesk na tel: 2800707 of registra online via website www.fasehelpdesk.com.

4. Mi dunado di trabou por kitami di trabou pa motibo di e crisis actual di COVID-19?

E crisis actual di COVID-19 no ta un motibo valido pa retiro. Segun maneho di Minister di Labor no lo honra ningun peticion pa retiro a base di e crisis actual. Pa bin na remarca pa ayudo financiero di Gobierno pa medio di e Fondo di Asistencia Social di Emergencia (FASE) e trahado mester ta den servicio di un dunado di trabou. Den caso cu e trahado wordo aserca pa e dunado di trabou pa jega na un acuerdo mutuo pa termina e relacion laboral e trahado ta liber pa acepta esaki y lo mester evalua pa su mes si tuma e pakete aki ta mas faborabel pe na e momento aki y asegura su mes cu esaki ta inclui por lo menos pago di tur su derechonan segun nos Leynan Laboral.  

 

Entrevista cu Director DAO en coneccion cu situacion Corona-virus

Apreciable clientenan di Departamento di Labor y Investigacion (D.A.O.)

Nos kier a invita boso pa sintonisa awe merdia pa 12:30 p.m. Power FM 101.7 unda cu nos Director lo duna splikacion amplio riba Fase Helpdesk y tambe duna informacion riba otro preguntanan al caso durante e situacion di calamidad cu pueblo di Aruba ta pasando aden, especialmente e clase trahador.

Cambio den servicio di DAO en coneccion cu Corona-Virus

Apreciable clientenan di Departamento di Labor y Investigacion (D.A.O.)

En coneccion cu situacion di Corona-virus (Covid-19), Departamento di Labor y Investigacion (DAO) a implementa e siguiente medidanan di prevencion te cu 31 di maart 2020. Nos ta trahando cu un cantidad di empleado limita y ta contesta preguntanan mas hopi posibel via emailnan menciona den e tabel aki bao.

Manera nos a menciona den nos ultimo comunicado di ayera tardi, nos a logra pone 2 number di celular den servicio fuera di nos linea di telefoon central pa informacion of conseho pa e producto conflicto. Esaki ta nifica cu tin disponibilidad di 3 number cu cliente por llama parti mainta pa ricibi informacion of conseho riba e producto aki.

Nos ta keda accesibel riba nos linea central di telefoon 523-7720 di 7:30 pa 12:00 p.m. of via nos email temporario This email address is being protected from spambots. You need JavaScript enabled to view it. . Tambe bo por manda pregunta directo riba e emailnan den e tabel aki bao dependiendo di e producto cu ta desea di ricibi informacion ariba.

Nos ta pidi disculpa pa cualquier inconvenencia cu esaki por trece cune pero ta medidanan necesario pa prevencion y proteccion di nos personal y tambe di nos clientenan.

Tabel 1

Zoeken

Openingstijden DAO

Kantooruren - Directie Arbeid en Onderzoek - Aruba
Maandag tot en met vrijdag van 7:30 AM tot 12:00 PM - 1:00 PM tot 4:30 PM

Sociale Media

facebooktwitteryoutube