Nieuws

Overzicht uitzendvergunning per 24 maart 2021

Klik op Overzicht uitzendvergunning.

Orario pa atende publico diaranson 17 di maart 2021

ORANJESTAD - Departamento di Labor y Investigacion ta participa na tur cliente cu e orario pa atende publico riba diaranson 17 di maart lo ta te cu 2’30 di atardi en conexion cu un reunion di personal.

 Departamento di Conflicto lo atende publico te cu 2’or di atardi.

 Nos ta pidi disculpa si esaki por trece cualquier inconvenencia.

Entrega di Registro di Personal 2020 - 2021

E Ordenansa Laboral 2013 (Arbeidsverordening 2013, AB 2013 no. 14) ta vigente desde 1 di april 2013. A base di articulo 30, di prome inciso, di e Ordenansa Laboral 2013 un dunado di trabou ta obliga pa entrega e Registro di Personal (Personeelsregister) na Director di Departamento di Labor & Investigacion (DAO). Den e Decreto Nacional  Registronan di Ordenansa Laboral  2013 ta regla e modelo di e Registro di Personal. E Registro di Personal ta consisti di tres parti, Modelo 1A, e personal registra den aña 2020; Modelo 1B, e necesidad pa personal pa 2021 y Modelo 1C, e necesidad di personal pa cada proyecto specifico den 2021, identifica como necesidad den modelo 1B.

Departamento di Labor y Investigacion ta informa pa medio di e comunicado di prensa aki cu e periodo di entrega di Registro di Personal 2020-2021 pa tur empresa na Aruba lo ta di 1 maart 2021 te cu 30 april 2021.

Registro di Personal 2020-2021

E unico forma cu por entrega e Registro di Personal ta den e forma digital. Desde 26 februari 2021 por download e formulario digital ((Excelsheet: DAO Personeelsregister 2020 – 2021), cu ta consisti di 3 pagina for di website www.daoaruba.com of www.gobierno.aw. of por haci un peticion via e-mail na This email address is being protected from spambots. You need JavaScript enabled to view it.  y DAO lo mail bo e formulario digital.

Unda y con por entrega e Registro di Personal 2020-2021

DAO ta haci un peticion pa hinca e datonan den e formulario digital, segun e modelo stipula pa ley,  y manda nos esaki na e-mailadres This email address is being protected from spambots. You need JavaScript enabled to view it. .

Den caso cu bo compania tin un of mas sucursal, DAO ta haci un peticion pa yena e Registro di Personal no solamente pa e oficina principal (hoofdvestiging) (p.e. KvK-nummer 5555.0) pero tambe pa cada sucursal (p.e. KvK-nummer 5555.1, 5555.2 etc.). Ta wordu pidi tambe pa indica cua trahadonan ta rouleer door di pone un strea (*) den kolom patras di e kolom “No.” ariba e formulario digital.

DAO ta informa cu ta obligatorio pa yena tur 3 modelo. Den caso cu no tin necesidad pa personal of necesidad pa personal pa cada proyecto specifico pa 2021, ta yena nihil ariba modelo 1B y modelo 1C.

DAO lo mandabo via e-mail un comprobante cu a ricibi e formulario di Registro di Personal 2020-2021. Tene cuenta cu e comprobante di entrega no ta implica aprobacion di e Registro di Personal 2020- 2021. DAO lo duna durante aña 2021 aprobacion of desaprobacion di e Registro di Personal 2020-2021.

Tene na cuenta cu entrega di e Registro di personal 2020-2021 ta obligatorio den e periodo di

1 maart 2021 te cu 30 april 2021. Tambe ta pidi pa sigi e instruccionnan pone den e Toelichting Personeelsregister 2020-2021 cu ta obtenibel den e excelsheet, pa jena e formulario.  

Companianan cu no ta cumpli cu entrega di e Registro di Personal den e periodo menciona como tambe esnan cu no a entrega esaki e aña anterior ta den incumplimento cu articulo 30 di e Ordenansa Laboral 2013. DAO lo bai over pa tuma accion contra esakinan. E compania lo por ricibi un sancion administrativo di Afl. 5.000,- pa no cumpli cu e obligacion di entrega di e Registro di Personal. Tene bon na cuenta cu den caso cu un Registro di Personal no ta corectamente yena, tambe ta wordo considera cu e compania ta den incumplimento.

Pa companianan cu ta haci uso di un intermediario (p.e. accountings- of adviesbureau) DAO kier recorda cu cumplimento di nos leynan laboral ta un obligacion di e dunado di trabou y no di e intermediario.

Si tin mas pregunta tocante e Registro di personal por tuma contacto cu Sra. Louisetty Croes na 5237722 of via email This email address is being protected from spambots. You need JavaScript enabled to view it. of cu un funcionario di Bureau Arbeidsmarktonderzoek na 5237720.

Ministerio di Asuntonan Social y Labor Departamento di Labor y Investigacion ta informa

ORANJESTAD – Den reunion di conseho di ministers awemainta a dicidi cu ta reconoce e dialuna di carnaval di 2021 como dia liber, siendo e dialuna prome cu e diaranzon di shinishi, pendiente e cambio di articulo 22 inciso 1 sub b di e Arbeidsverordening 2013, y e ratificación di esaki por medio di un Landsbesluit h.a.m., unda un apelacion ta wordo haci na sector priva pa considera e dia aki tambe como un dia festivo.